SILANG tatlo na lamang nina Matteo at Garry ang bumalik sa events hall. Dumiretso na si Bettina sa parking lot ngunit duda si Liwayway na umuwi na ito. Marahil ay nasa malapit lamang ito. O baka nga pumuslit ito at kumuha rin ng kuwarto roon para sa kanila ni Matteo.
Ang usapan nina Liwayway at Matteo kanina ay doon sila matutulog sa hotel pagkatapos ng party, tutal ay bukas pa naman ang check out ni Liwayway. Ngunit wala nang balak si Liwayway na ituloy iyon. Mukhang hindi na siya ang planong kasama nito, kundi si Bettina na.
“Matteo! Lia!” Sinalubong sila ni Lola Estrella, at kasama nito ang mga magulang nina Liwayway at Matteo. “Saan kayo galing? Did you enjoy the night?”
Tipid na ngumiti si Liwayway. Nang sulyapan niya si Matteo, wala itong kaimik-imik.
“How are you, dear?” Yuma
