“WAKE UP.”
Dahan-dahang ibinuka ni Liwayway ang mga mata at nagulat pa siya dahil nakatunghay na si Matteo sa kanya habang nakaluhod ito sa gilid ng higaan.
“A-Anong oras na ba?” takang tanong niya sa asawa. Himala at nauna itong magising sa kanya ngayon.
“Well, it’s still early. Halos wala pang sunrise,” sagot naman ni Matteo.
Uminat siya. “Bakit mo ako ginising? Ang aga pa. Hindi ba’t Sabado ngayon?”
“Exactly. That’s why you have to stand up now. Tuturuan kitang mag-drive since free ako ngayong araw.” Tumayo na ito at pumasok sa loob ng walk-in-closet.
Mas lalong naguluhan si Liwayway pero tumayo na rin siya. Bakit naman siya tuturuan ni Matteo magmaneho? Ano’ng nakain nito ngayon?
Nang lumabas ulit ang lalaki bitbit ang ilang mga damit ni Liwayway, nabasa kaagad nito ang pag
