“BETTINA, what are you doing here?” gulat na tanong ni Matteo.
Ilang beses na niya itong sinabihan na huwag munang pumunta sa opisina dahil maraming mga matang nakabantay sa kanya, lalong-lalo na si Kuya Kyle. Kaya hindi niya alam kung bakit pumunta na naman ito dito ngayon.
Lumabi si Bettina at dahan-dahang tumayo. “Hindi ko ba puwedeng ma-miss ang boyfriend ko? Nakailang tawag at text na ako, eh. Sobrang nakakatampo ka na kaya.”
“Ipinaliwanag ko naman sa iyo, hindi ba? This is not the right time for us to see each other.”
“Eh kailan pa? Kapag puti na mga buhok natin? Sobrang miss na kita, Matteo. Alam mo ba ‘yon?”
Humugot siya ng malalim na hininga at napasuklay sa buhok. Paano niya ba sasabihin sa babae ang mga tumatakbo sa isipan niya nitong mga nakaraang araw? Paano niya ipapa
