VEGA AMARA'S P.O.V:
Tuluyan nang napahagalpak ng tawa si Axel at namayani sa katahimikan ng gabi ang kanyang tawa kaya natigilan ako at pinagmamasdan ko ang kanyang mukha na maaliwalas dahil sa kanyang pagtawa.
"Hindi mo talaga ako binibigo sa pagpapatawa," aniya habang tumatawa pa kaya bumusangot ang mukha ko.
"Mukha ba akong clown para matawa ka ng ganyan? Sakalin kita eh."
"Chill, galit ka na naman. Ano bang weird sa natitipuhan kong babae kung ganoon naman talaga ang reference na gusto ko?"
"Ewan ko sa'yo. Ang dami mong alam. Nasa bahay na tayo," wika ko sa kanya at saka ako naunang pumasok sa gate namin at walang habas na sumunod naman si Axel sa akin kaya nakita kami ni Mommy nang sabay kaming pumasok sa loob ng bahay.
"O, akala ko ba may bibilhin ka? Bakit magkasama kayo ni Ax
