VEGA AMARA'S P.O.V:
Lumipas ang mga araw, buwan at taon, nakapagtapos kami ng pag-aaral at hindi ko inaasahan ang isang balita na bubungad sa akin isang umaga.
Nasa bahay si Axel kasama ang mga magulang niya at kasalukuyang kausap si Mommy at Daddy.
"Pwede na siguro sa susunod na buwan gaganapin ang kasal nila hindi ba?" ani ng ama ni Axel na siyang ikinalito ng isip ko.
Kasal?
Sino naman ang ikakasal?
"Pero di ba kukuha muna ng board exam si Axel? Hindi ba magiging hadlang iyon?" balik na sambit naman ni Mommy at hindi na ako nakatiis, sumabat na ako.
"Teka nga, ma. Anong pinag-uusapan ninyo?" sabat ko kaya napunta sa akin ang atensyon nilang lahat.
"Well, napag-usapan kasi namin na oras na makapagtapos kayo ng pag-aaral ay ikakasal kayo ni Axel. Wala ka namang nobyo at wala rin s
