“HINDI po ba talaga ako puwedeng sumama sa inyo, ‘Nay?” muling tanong ni Enrico sa ina niyang nag-aayos ng mga gamit.
Napa-buntonghininga ang kanyang Nanay. “Pang-ilang beses mo nang tinanong iyan. Alam mo na ang sagot ko diyan. Huwag kang makulit, anak,” malumanay nitong sagot.
Umupo si Enrico sa kama at humarap sa kanyang ina. “Bakit ho ba ayaw ninyo akong isama? Maatim po ba ninyong maiwan akong mag-isa dito sa bahay?” ungot niya.
Huminto sa kanyang ginagawa ang Nanay niya at hinarap siya nito. “Minsan ko lang sasabihin ito. Pero sana maintindihan mo ang punto ko, ang punto namin ng Tatay mo,” may diing sabi nito.
“Mapanganib ang daan pabalik ng Crescent Forêt. May mga kalaban na nag-aabang sa mga lugar na madadaanan namin. Sa tagal ng panahon na nawala kami ng Tatay mo sa Brun Cre
