NAGLALAKAD papunta sa hapag kainan si Enrico nang marinig niyang nag-uusap ang mga magulang.
“Dapat na nating sabihin sa kanya ang totoo.” Narinig niyang sabi ng kanyang Tatay.
“Paano kung hindi niya matanggap? Anong gagawin natin?” tanong naman ng Nanay niya.
Napakunot ng kanyang noo si Enrico. Ano ang katotohanan na dapat niyang malaman?
Tumikhim siya. Agad namang napalingon ang kanyang mga magulang.
“Kanina ka pa ba diyan, iho?” nanlalaki ang mga matang tanong ng kanyang ina.
Umiling si Enrico. “Hindi po. Kapapasok ko lang,” tugon niya.
Biglang napatingin ang Nanay niya sa kanyang Tatay.
“Nandito na po ako! Kakain na po ba?”
Napatingin si Enrico sa bagong dating.
Malapad ang ngiting naglalakad patungo sa kanila ang nakababata niyang kapatid na si Erika.
“Maupo na kayo para m
