Napalunok ako sa sarili kong laway habang hinihintay ang pagdating ni Mr. Giovani sa kaniyang opisina. Sakto lang naman ang aircon sa loob ng kaniyang opisina nguni't para na akong hinahampas nang niyebe dahil nagsisitaasan lahat ng mga balahibo ko sa katawan. Muli, huminga ako nang malalim at sinampal nang malakas ang sarili na naging dahilan kung bakit napa sabi ako ng 'aray!' Sariling kagagahan ko naman iyon kaya okay lang.
Pero parang hindi pa yata ako gising. Hindi pa okay ang diwa ko at baka nasa hallway pa ito kung saan ako iniwan kagabi ni Mr. Giovani na na speechless sa makamdag niyang lines.
Hindi ko na nga nakuhang makapag paalam kila Melinda at Mark dahil ano naman ang sasabihin ko sa kanila? Sasabihin ko ba na, 'Naku! Nasampal ko kasi si Mr. Giovani kaya may promotion sa ak
