CHAPTER 13
Third Person POV
Ang araw sa San Felipe ay tila mas maliwanag kaysa dati, o baka naman ganoon lang talaga ang tingin ni Lucas ngayon. Hindi niya maipaliwanag ang nararamdaman niya, pero sa kabila ng kanyang pagiging arogante, nahanap niya ang sarili niyang gumagawa ng mga bagay na noon ay hindi niya akalaing gagawin niya.
Nagsimula siyang gumising nang maaga, nagpapanggap na wala siyang pakialam, pero palihim niyang sinusundan si Khiki sa tuwing may ginagawa ito. Sa simpleng pag-aabot ng payong tuwing maulan o pagpapatago ng bote ng tubig sa motor niya upang kunwari ay napulot niya iyon, naroon siya. Hindi siya magpapahuli ng diretso—hindi bagay sa kanya ang mga dramatikong eksena ng harap-harapang panliligaw.
Isang umaga, abala si Khiki sa pagbabantay sa kanyang mga pusa. N
