“You!” sigaw sa akin ng impaktang babae. Alam ko namang ako ang tinatawag nito. Ngunit nagmamaang maangan akong hindi ko alam na ako iyong kinakausap niya.
Kasalukuyan ako ngayong pababa ng hagdan nang magsalita ito. Nanlilisik din ang kanyang mga mata. Para itong tigre na handang manlapa ng tao dahil sa tindi ng galit nito.
“Ako ba?” anas ko habang itinuturo ang aking dibdib.
“Oh, come on! Tayo lamang ang nandito” anas nito sa palaban na tono. Nagkibit balikat na lamang ako dahil wala ako sa mood na makipag-usap dito. Ngunit nang akmang lalampasan ko na ito ay bigla nitong hinila ang aking braso. Madiin. Pakiramdam ko nga ay bumaon ang kanyang kuko sa aking balat.
“Ito ang tatandaan mo. Sa bahay na ito ako ang batas dahil ako na mag-mamay-ari nito. Dahil kapag dumating ang araw ng kas
