Oriana Fatima’s POV
“Nasaan ang anak natin, Damien?”
Mahigpit ang yakap sa akin ni Damien habang nakaupo kami sa back seat ng sasakyan ni Hades. Siya ang nagmamaneho habang ang kapatid ko naman na si Oleza ay nakaupo sa harapan. Sila ang kasama ni Damien na sumundo sa akin.
“Nasa bahay at natutulog. Okay lang ang anak natin at nasa kwarto nila Mommy. Huwag mo na siyang alalahanin. Maayos na maayos si Deena.”
Nakahinga ako nang maluwag. Napabitaw ako sa pagkakayakap sa asawa ko at napatingin sa kamay ko na puno ng dugo at sobrang dumi. Ang lagkit-lagkit ko pero parang wala lang ‘yon kay Damien. Hindi ko pa nasasabi sa kanya ang ginawa ko. Hindi ko alam kung anong magiging reaksyon ng asawa ko kapag nalaman niyang nakapatay ako ng tao.
Natatakot akong ipaalam sa kanya pero siya lang d
