Chapter 59
*Abby*
Nakarating kami sa isang malaki at magarang bahay. Napauwang labi ako sa laki ng bahay nina Rafael. Buhay reyna yata si Vanessa dito. Hindi nagkakalayo ng laki sa family house nila.
Malaki at automatic pa ang gate. Pagpasok ay talagang mapapahanga ka sa ganda ng bahay nila. Moderno ang desenyo at napakataas. Ang mga bintana ay gawa sa naglalakihang salamin.
Malawak ang garahe na may ilang magagarang sasakyang nakaparada doon. Masasabi kong big time talaga si Rafael. Kung sabagay ay marami nang branch ang restaurant niya. May sarili din siyang kumpanya at sa pagkakaalam ko ay may posisyon din siya sa kumpanya ng pamilya nila. Kung iisipin ay hindi basta-basta ang yaman ng mga Gomez.
Kilala din ang pamilya nila. Lalo na si Rafael na parang napakalaki ng impluwensiya. M
