Chapter 57
*Abby*
“Wala na ba kayong nakalimutan?” Tanong ni Nanay.
Si Kevin ay abala sa paglalagay ng mga gamit namin sa likod ng sasakyan niya.
Balak kong manatili sa Manila ng isang linggo para mas makasama ni Jasmine ang pamilya ng Daddy niya. Kahit kinakabahan ay nananabik akong makita sila ulit. Mababait silang tao at kahit na hindi ko sila pinayagang dalawin kami ay inuunawa pa rin nila ako. Kaya gusto ko silang sorpresahin.
Hihingi rin ako ng pasensiya sa kanila. Aaminin kong hindi maganda ang ginawa ko. Si Jason lang at ako ang may hindi pagkakaunawaan. Hindi sila damay at hindi rin dapat sila layuan. Pero pinili ko pa ring lumayo.
Nalunod ako sa pagkabigo kaya ko nagawa ‘yon. Inintindi nila ako kahit na gustong-gusto na nilang makita si Jasmine.
Sa loob ng dalawang taon ay
