Chapter 63
*Abby*
Nagulat ako nang biglang bumukas ang pinto ng sasakyan. Inantay ko ang lalabas doon. May matangkad na lalaking lumabas doon. Hindi lang matangkad kundi malaki rin ang pangangatawan. Kapansin-pansin ‘yon kahit pa may damit siya. Halata sa kurba ng katawan niya. Malapad ang balikat at matipuno ang dibdib.
Wala sa sariling napalunok ako. Parang ang lakas ng dating niya kahit wala pa siyang ginagawa. Tindigan pa lang niya ay nakakakaba na.
Nakasuot siya ng itim na long sleeve na tinupi hanggang siko. Itim din ang pantalong suot niya na siyang humuhubog sa mahahaba niyang hita. He is so damn handsome.
Kahit medyo malayo ang sasakyan niya sa kinatatayuan ko ay napaigtad ako nang isara niya ang pinto ng magara niyang sasakyan.
Tanging relo lang ang alahas sa katawan niya.
