Chapter 34
*Abby*
“B-Buhay sila,” hindi makapaniwalang bulalas ko.
Hindi ako makapaniwala sa nabasa kong resulta kaya hindi ko napigilan ang sariling humagulgol sa labis na saya.
“I told you,” nakangiting saad niya.
Bumitaw ako sa pagkakayakap at nakangiting tinignan siya. Pinunasan naman niya ang luha ko. Buhay pa ang mga magulang ko. Ibang bangkay ang nakuha sa sunog sa bahay. Nakatakas sila. Tama nga si Jason pero nasaan sila?
“Nasaan sila?” mabilis na tanong ko.
Gusto ko silang makita kaagad. Gusto ko silang puntahan agad. Ayokong mag-aksaya ng oras.
“Hindi ko pa alam, baby. Pero ramdam kong ligtas sila. Ang mahalaga ngayon ay hindi sila kasama sa sunog,” wika niya.
Nabawasan ang bigat sa dibdib ko. Pero hindi pa rin ako mapanatag. Gusto ko silang makita. Gusto kong makasiguro
