Chapter 35
*Jason*
Hinintay kong makatulog si Abby. Mabuti na lang at agad siyang nakatulog sa tabi ko. Naririnig ko pa ang mahina niyang paghilik na parang musika sa pandinig ko. Malalim na agad ang tulog niya. Napagod siya sa maghapon. Maingat bawat galaw ko para hindi siya magising. Inuna kong inalis ang nakapatong niyang braso sa dibdib ko.
Kahit ayoko sanang gawin ‘to dahil ito ang palagi kong inaasam sa kaniya. Ang yakapin niya ako sa pagtulog. Halos hindi ako humihinga para lang hindi siya magising. Ayokong maistorbo ang tulog niya. At kapag nagising siya ay siguradong mahihirapan akong umalis.
Sinunod kong iangat ang ulo niya para ilipat sa unan. Naaamoy ko pa siya sa balat ko. Ang amoy niyang gustong-gusto kong amuyin palagi.
Gumalaw siya ng kaonti at tumagilid pero tulog pa
