Kirsten
“Kapag may naramdaman ka pang kakaiba, sabihin mo lang agad sa akin, Ma,” anang Dark habang nakaupo sa kanto ng kama ng kaniyang ina. Binalingan ako nito bigla. “Thank you for taking care of my Mom, baby.”
Namumulang nag-iwas ako ng tingin at tumungo na lamang. Tila ako kakainin ng lupa dahil sa malalalim na titig sa amin ng ina niya—lalo na sa akin. Tila may seryosong bagay na iniisip sa amin.
“Uhm, handa na ang hapunan,” sabi ko na lamang upang mawala na sa akin ang atensiyon nila. Tumango ang lalaki at napatayo na rin.
“Alright. Kain na tayo.” Ngumiti ito sa akin bago alalayan ang ina niya pababa sa kama.
Pagdating namin sa hapag-kainan ay naghihintay na sa amin ang iniluto kong sinabawan na karne na may mga gulay at saging na saba. Isa raw iyon sa mga paboritong ulam ng
