TANGHALI NA AT pinapakain na ako ni Mommy. Pinahigop niya rin ako ng sabaw ng baka. Binilhan niya rin ako ng request kong pancit canton. Isa sa dahilan kaya ayaw kong magkasakit dahil ganito si Mommy ka maalaga. Nahihiya ako. Ako kasi iyong klase ng anak na ayaw talagang nakakaabala. Kaya kahit hinang-hina na ako kagabi, hindi ako nagtawag ng anumang tulong. Pero dahil bumigay na ang katawan ko, hindi ko na pwedeng mahindian ang tulong nila. I need them at hindi ko kayang itanggi iyon.
Nilingon ko si Daddy na nakaupo lang sa sulok. Abala siya sa pagtitipa sa laptop niya. Sigurado ako na dito na lang siya nagtrabaho para makita niya ako sa anumang oras na gusto nila.
Sila pala iyong napakabait na mga magulang ko. Kaya minsan ay nahihiya ako kung bakit ako ganito. Sa oras na malaman ng mga
