Halo-halo ang nararamdaman ko sa groundbreaking ceremony ng unang project na gagawin ko. Nagkataon pang kababata ni Jace ang kliyente kaya hindi ko alam kung ano ang mararamdaman ko habang nakikipag-usap sa kanya kanina dahil bukambibig niya si Jace. Hindi ko alam kung dahil ba iyon sa sinabi ni Ma'am Jen na close kaming dalawa kaya niya binabanggit si Jace o sadyang close lang talaga sila.
Kahit si Arnold ay wala ring bukambibig kundi ang ang Bossing niya kaya hindi lumipas ang ceremony na hindi nawala si Jace sa isip ko. Pakiramdam ko ay kahit wala naman siya sa groundbreaking ceremony na ito ay daig niya pa ang nag-attend dahil hindi siya nawala sa sistema ko.
“I personally picked him as the Architect for this project,” narinig kong sambit ni Mr. Alcantara, ang kliyente sa school proj
