“Ano ba kasing nangyari? Bakit hindi ka pa sasabay sa amin?”
Hanggang sa biyahe papunta sa airport ay panay ang pangungulit sa akin nina Tina, Cory at Hanna. Ngayon ang flight nila papuntang England at ngayon lang din nila nalaman na hindi ako sasabay sa pagbalik nila sa England.
“May kailangan lang akong gawin dito. Susunod naman ako doon after six months. Mabilis lang ‘yon!” pang-aalo ko sa kanila.
Umiiyak pa sila hanggang sa nasa airport na kami kaya dinadaan ko na lang sa tawa. Sa sobrang bigat ng nararamdaman ko mula pa noong nakaraang linggo ay baka kapag umiyak ako dito ay matagalan pa bago ako tumigil. Nakakahiya lang sa maraming tao na makakakita.
“Nakakainis ka, Jam! Akala ko pa naman sabay-sabay tayong babalik!” hindi pa rin nakakaget over na sambit ni Hanna.
“Ano ba ‘yang
