NASA dalampasigan ang mga grupo nila Valeen. Nakasalampak sila sa buhanginan at ang ibang kasama naman nila ay abala sa panunuod ng fire dance. Naroon din si Red na kanina pa tahimik, katabi din nito si Tim.
At mayamaya ay may sinuggest si Bryan na laruin nila sa sandaling iyon. Truth or dare. Pumayag naman ang mga kasama nila sa isinuggest nito. Ayaw sana niyang sumama dahil hindi siya naglalaro niyon pero wala na siyang nagawa nang pilitin siya ni Yvonne. Huwag daw siyang killjoy, kaya kahit labag sa loob niya ay sumama na siya sa gustong laruin ng mga ito.
At bago sila mag-umpisa na maglaro ay nakita niya si Chassy, kasama nito si Dana--kakilala nito. Narinig niyang tinanong ni Chassy si Yvonne kung ano ang ginagawa nila na sinagot naman nito. Sinabi pa ni Chassy na gusto nito at ni
