Tahimik ang buong mansion nang dumating si Annaliz, matagal na rin siyang hindi nakatungtong sa mansion ng mga Buenavista simula nang dumating si Venus.
Parang reyna siyang palakad-lakad sa loob. Sinusuri ang bawat sulok at disenyo ng mansion. Pati na ang mga mamahaling furnitures. Napatingala rin siya dahil sa ganda ng malaking chandelier na nakalambitin sa kisame.
Dumako rin ang tingin niya sa harapan ng grand staircase. Umaasa siya noon nang pinakasalan niya si Miguel na rito sila titira pero nagpagawa ito ng villa sa likod ng mansion at doon sila nanirahan.
Naikuyom niya ang kamao, siya na sana ang reyna ng mansion na ito kung pumayag lang si Miguel na dito sila tumira. Kung sabagay ano ba ang aasahan niya sa butihin niyang asawa? Pagkatapos nga ng kasal nila ay kaagad siya nitong
