“`YOU OKAY, Boss?” tanong ni Harvy kay Vann Allen. Sinamahan niya ito sa isang bar.
Halos madaling-araw na ngunit hindi pa rin ito natutulog. Kanina ay maghapon ang rehearsal nito para sa gaganaping comeback concert ng Lollipop Boys. Dapat ay nagpapahinga na ito ngunit alak pa rin ang inaatupag nito. Nagiging habit na nito ang paglalasing.
Nag-aalala na siya para sa amo at kaibigan niya. Iniisip niya kung kailan ito babalik sa dating ito.
Kahit siya ay nami-miss na ang pagiging masayahin nito.
“I don’t know if I’ll ever be okay again,” anito sa malungkot na tinig.
Nagsalin siya ng alak sa isang baso. “You love her?” tanong niya kahit alam na niya ang sagot sa tanong na iyon.
“Iarah? You don’t have the slightest idea how much I love her. I’ve loved
