Dumating ang araw ng lunes—ito ang nakatakdang araw para sa taunang Oplan Operation Tuli ng AFP dito sa lambak ng Cagayan. Sa pangunguna siyempre ni Colonel Harry Aristotle Fajardo ng Region 2 chapter at sa pakikipagtulungan ng iba't ibang organization kabilang na dito ang Cervantes Realty.
Bago isinagawa ang oplan tuli ay sinigurado muna nila ang seguridad ng mga lalahok—lalo na ang mga doktor at mga nurses at syempre ang mga kabataang bibigyan nila ng serbisyo.
Sa bayan ng Santa Ana isinagawa ang unang araw ng oplan tuli. Malayo ito sa lungsod ng Tuguegarao kaya naman minabuti ni Akira na magdala ng mga extra na damit na gagamitin niya oras na hindi siya kaagad makabalik ng lungsod dahil sa layo ng lugar. Pero hangga't maaari—ayaw niyang magpalipas ng gabi sa lugar dahil kailangan siya
