Sa nalalabing araw ng paghahanda para sa kasal nila, hindi mapakali si Lean na hindi nabubusising maigi ang bawat detalye ng pinakaimportanteng araw sa buhay nila. Personal nitong binisita ang venue, sinuri ang guest list at pati na rin ang lahat ng kakailanganin nina mamay. Ngayon nga, isinama ng Tita Feliz sina mamay at Tita Roda sa salon. Umayaw pa ang mamay pero hindi napahindian si Tita Feliz. Hindi rin naman katulad ni Olivia, malayo sa pagiging matapobre si Tita Feliz.
Habang nasa labas ang lahat, naiwan naman siya sa bahay kasama ni Aling Judith at ni Angie. Nag-leave pa talaga ng half-day si Angie para lang makasama siya bago man lang daw siya magpatali.
“Kapag Mrs. CEO ka na, of course, mahihiya na akong makikipagharutan sa’yo. Mamaya, sabihin ng iba na sumisipsip ako sa first
