HUMIHINGAL, habol ang paghinga at tagaktak ang malamig na pawis ni Fredo nang magising siya mula sa panaginip na iyon sabay balikwas ng bangon. Takot na takot na iginala niya ang nanlalaking mata sa paligid sa pangambang baka naroon ang mga trabahador niyang humahabol sa kaniya.
“Hindi ninyo ako mapapatay! Lumayo kayo sa akin!” Akala mo ay nasisiraan ng ulo na turan niya. Nanginginig ang buong katawan ni Fredo sa dahilang hindi niya alam.
Nagulat siya nang may humawak sa isa niyang kamay. Pagtingin niya ay nakita niya si Aling Divina. May dala itong mga dahon.
“Fredo, huminahon ka. Nananaginip ka lamang!” turan ng matanda.
Mabilis siyang umiling. “H-hindi! Totoo sila. Papatayin nila ako! Kailangan kong magtago!” Natatarantang sambit niya sabay tulak sa matanda.
Tumalon siya sa papag a
