"WHAT?" kunot-noong untag ni Blitzen nang mapansing mataman siyang nakatitig rito.
Napakurap si Krisstine, tila nakawala mula sa isang alaala. She shook her head, as if trying to get back to her senses. Hindi niya talaga maiwasang mapatitig sa binata lalo pa't naiisip niya ang sinabi ni Manang Lucing sa kanya kanina nang mag-almusal siya.
"Labis kung magmahal si senyorito. Walang hanggan. Alam ninyo bang ang tunay na dahilan kung bakit siya nag-artista ay para mahanap si..."
"May gusto ka bang sabihin?" muling untag ni Blitzen sa kanya.
She wanted to answer yes. Ngunit paano niya ito tatanungin nang hindi nasasabing si Manang Lucing ang nagsabi sa kanya niyon? She didn't want to put Manang Lucing at risk.
"W-wala," kaila na lamang niya.
"Meron eh," diskumpiyadong wika nito. Tumingin
