"MABAIT ho pala kayo?" nakangiting wika ni Manang Lucing matapos ilapag sa hapag kainan ang isang bandehado ng sinangag.
Napangiti siya hindi lamang dahil sa tinuran nito kundi dahil sa nakakatakam na bango ng bawang na toppings ng sinangag. Hindi niya rin inasahang maririnig niya iyon sa matanda matapos niya itong masungitan noong una niya itong makita. Nahihiyang napabaling siya rito.
"Bakit ninyo naman ho nasabi iyan?"
Napakibit-balikat ito. Habang nagsasalin ng orange juice sa kanyang baso ay sumagot ito ng, "Ewan ko. Ibang iba ho kasi kayo sa Krisstine Sandoval na kilala namin sa tv eh. Ang sabi kasi ay maarte kayo at mapangmata sa kapwa pero hindi naman pala."
"Dahil hindi ako maarte ay mabait na ho ako?" nangingiting tanong niya. She took the glass full of orange juice and took
