MAKIKITA ANG LUNGKOT sa mga mata ni Saleen nang pumasok sa kanyang trabaho. Masyado pa rin siyang apektado tungkol sa video na nakita sa telebisyon. Hindi niya natandaan kung ilang oras siyang nasa karagatan at nagpapalutang-lutang habang may matinding panalangin sa kanyang isipan na muling makikita ang kakulangan sa kanyang pagkatao.
Dumiretso siya kaagad ng trabaho matapos na maiwan si Sachi sa daycare. Hindi niya alam kung gaano karaming luha ang naiyak niya kaya hanggang ngayon ay namamaga pa rin ang kanyang mga mata.
Kahit hindi naman malabo ang kanyang mga mata ay nagsuot siya ng eyeglasses nang pumasok sa trabaho para kahit papaano ay maitago niya iyon sa kanyang katrabaho at mga pasyente.
Nang makapasok, ginawa niya pa rin nang normal ang kanyang trabaho. Hindi niya nakakalim
