“PAPA, here,” sabi ni Amanda kay Don Sebastian at isinubo sa bibig nito ang maintenance na gamot saka pinainom ng tubig.
Nahihirapan man ay pinilit ng ama na ibuka ang bibig upang tanggapin ang isinusubo niya.
Isang linggo pa matapos niyang makabalik ay nagising si Don Sebastian mula sa comatose. At nang magising ay napuno ng iyakan ang silid nito sa hospital. Lahat ng ikagagaan ng kalooban nito ay sinabi niya. Sinabi rin ng dalaga kung gaano niya kamahal ang ama. Na kahit ano pa man ang kasarian nito ay balewala sa kanya. Maging ang pakikipagrelasyon nito sa dati niyang nobyo na si Daniel ay wala na sa kanya.
Simula nang makabalik si Amanda mula sa Guimaras ay hindi pa nagpapakita ang dating nobyo. Kung siya ang tatanungin ay mas mabuti pa ngang huwag nang magpakita pa ang lalaki sa k
