"HI THERE, honey babe!"
Hindi niya pinansin ang pagbati ni Zairo. Bumaba siya mula sa driver seat para lumipat sa passenger side. Dinaanan niya ito sa lugar na sinabi ni Kuya Antonn. May pupuntahan raw ito sa utos ng Kuya niya kaya kailangan ng kotse. Gawin na lang daw niyang driver sabi ng Kuya niya.
Hindi na siya umangal. Wala man siyang lugar na gustong puntahan ay gusto niyang umalis ng bahay. Kapag ganoon ang mood niya ay ang mag-drive ng walang direksiyon ang ginagawa ni Regine kaya pabor sa kanya na maging pasahero ni Zairo.
"Ang lungkot mo naman, honey babe," pansin nito pagkaupo sa driver seat. Hindi siya nag-react. Wala siyang balak makipag-usap rito hanggang matapos ang araw na iyon. Gusto lang niyang magmasid sa paligid kaya siya sasama rito. "Hindi pa rin nagpapakita ang bo
