Ngayong araw na ang fiesta sa amin kaya mas lalo kaming naging busy. Ang daming niluto ni Mame at pati si Puppy ay tumutulong na rin sa amin.
Tagahiwa kami nina Tine maliban kay Joanna na may alam sa pagluluto, kay Mame siya tumutulong. Ang mga lalaki naman ang lumalabas para bumili ng mga kulang namin tulad na lang ng mga pinggan, kutsara't tinidor na plastik.
Halos hindi na nga kami makapag-usap-usap nang matino dahil sa pagiging abala namin. Darating kasi ang lahat ng kabilang sa amin pack -- kasama si Freidrich, ang aming Alpha.
Pati ang mga kaklase ko ay pupunta pero sana lang ay hindi sila magkasabay-sabay. Ayoko na rin sana ng gulo at kung maaari lang ay ayokong maabutan nila ang mga kamag-anak naming mga Werewolves.
Mahirap na.
"Drea, tulungan mo na si Puppy mo sa pag-aayos sa
