We have decided to not announce it to our families yet. Tutal ay isang buwan at higit pa lang naman akong buntis kung kaya’t hindi pa iyon mahahalata sa akin. Pinag-iisipan na nga rin namin kung dapat na ba naming bilisan ang pag-aasikaso ng kasal.
Kung ako ang tatanungin ay okay lang naman sa akin kahit kailan kami ikakasal. Buntis naman na ako sa anak namin kaya’t alam kong kahit anong mangyari ay kaming dalawa na talaga hanggang dulo. Pero si Gael, mukhang gusto niya ata na ikasal na kami bago pa lumaki ang tiyan ko. Todo hanap na nga ito ng wedding coordinator noong pagkarating namin sa resthouse.
Pinili ni Gael na magpahinga na lang muna kami sa buong hapon pagkauwi namin sa resthouse. Bukas na lang raw kami magtitingin-tingin ng mga simbahan at baka sa susunod na araw na kami umuwi
