Daig pa ni Lucey ang nakalulon ng buto ng manok. Nagpasalamat siya dahil sa telepono lang niya ito kausap kung hindi ay pihadong binabasa na nito ang utak niya. Wala siyang maitatago.
Nagpakawala siya ng isang malakas na tawa. Tawa na parang nanunuya. "Ako? Magseselos kay Melvin at sa girlfriend niyang tinina ang buhok? No way, Mafi. That's absurd. I dumped him years ago. Bakit ako magseselos?"
Hindi alam nina Mafi at Francesca ang totoong rason kung bakit nakipag-break siya kay Melvin. Kung ano ang sinabi niya kay Melvin, iyon din ang sinabi niya sa mga ito.
"Malaking question mark pa rin sa akin kung bakit basta-basta ka nakipaghiwalay sa kanya. You were in love with him then all of a sudden basta na lang ayaw mo."
"I did it to please my father."
Pumalatak ito. "Ewan ko ba. Hindi ta
