Pagmulat ng mga mata ko, unti-unti kong naalala ang lahat ng nangyari kagabi. Ang bigat pa rin sa dibdib ko, pero kahit papaano, mas magaan na kaysa kahapon.
Dahan-dahan akong bumangon mula sa kama at lumabas ng kwarto. Amoy ko agad ang halimuyak ng bawang at mantika mula sa kusina.
Pagdating ko sa may dining area, nakita ko si Cheska na abala sa pagluluto. Nakasuot siya ng oversized na t-shirt at shorts, habang masinop na hinahalo ang niluluto niya sa kawali. Napansin kong may kaunting harina pa sa pisngi niya—halatang seryoso siya sa ginagawa niya.
Napalingon siya sa akin at ngumiti. "Gising ka na pala," bati niya. "Maligo ka muna bago ka kumain. Di pa naman ako tapos eh."
Napahikab ako at naupo sa isang silya. "Ang aga mo namang nagising," reklamo ko habang hinihimas ang mga mata ko
