Napatingin si Cheska kay Jaytin na nakasandal sa gilid ng sofa habang nakataas ang isang kilay. "Eh ikaw naman, Jaytin, kamusta ka naman? Minsan ka na lang magpakita sa amin, ah," sabi niya sabay kunot-noo. "Porket sikat ka na, hindi mo na kami pinapansin!"
Napangisi si Jaytin at iniangat ang dalawang kamay na parang sumusuko. "Hoy, unfair ‘yan! Hindi ko naman kayo kinakalimutan, noh!" depensa niya. "Sobrang busy lang talaga sa mga projects, tapos may mga out-of-town shoots pa. Pero kahit ganun, hindi ko naman kayo nakakalimutan. Lagi nga kayong nasa kwento ko sa mga interviews, eh!"
Napataas ang kilay ko habang pinupunasan ang luha sa pisngi ko. "Talaga lang ha? O baka naman ginagamit mo lang pangalan namin para may ‘pa-humble’ effect ka?"
Napanganga si Jaytin. "Grabe kayo! Ang babangi
