"Dito ka sumanib."
Nilingon ko si Tita Prescila na may hawak ngayong kuneho. Nakasunod sa paglakad niya si Rico na tahimik pa rin hanggang ngayon. Kahit pa, umalis na si Amiel para lumayo.
"Kanina pa namin naririnig lahat ng bumabagabag sa isipan mo. 'Wag kang gaanong mag-alala. Magiging ayos din ang lahat lalo na't alam na natin kung paano ka makakabalik."
"Sumanib ka na," mahinang sagot ni Rico sa pagtingin ko sa kanya.
"Tara na, hija." Itinaas ni Tita Prescila ang kuneho at hinintay akong pumasok sa loob.
Gabi na nang makauwi kami sa kabilang mundo. Naabutan namin silang lahat na nasa sala ngayon at nanunuod ng TV.
"Mabuti naman at nakabalik na kayo."
"Rabbit!" Masayang turo ni Nathalie sa akin. "Daddy, para sa akin po 'yan?" malambing niyang tanong at yumakap sa daddy niya.
"O
