Kanina ko pa sila pinagmamasdan. Hindi nga ako pinaalis dito pero para namang parusa ang nangyayari ngayon sa akin. Sino siya para kuhanin ang katawan ko pati na ang pamilya ko? Lalong-lalo na si Rico?!
"Mukhang totoong hindi siya gagawa ng masama."
"Magaling din siya sa paggawa ng mga bouquet at flower crown. Natalo pa ang gawa ni Raven samantalang unang beses niya lang din namang gumawa."
"Bata-bata pa siya. Baka may karanasan na talaga siya sa paggawa," bitter na sabat ni Tito Raven habang nakahalukipkip na nakatingin ngayon sa akin.
Hindi ba nila napapansin lahat ng gawa ko? Talagang ginawa ko 'tong kahawig ng mga lagi kong ginagawang design.
"Nagpapasikat lang 'yan," mayabang na sabat ni Rico sa pag-uusap nila tita.
Lumapit siya sa akin na suya ang mukha at pinag-initan ang gina
