Hindi nila ako maisama sa kabilang mundo dahil kay Erin, siguradong maghihinala siya. Si Amiel na palaka ngayon ang pinipiris nila doon para ituro ang kwebang pinagtaguan nila at makita ang drawing ni Erin.
Kami lang ngayon ni Rico sa flower shop. Wala rin si Erin dahil nagpunta sa school ni Nathalie. Kina-career niya talagang palitan ako. Ewan ko lang kung anong mangyayari kapag nakita ng anak ko na siya lang ang sumundo sa kanya ngayon. Tatawag naman daw siya kapag nagkaproblema.
"Gusto mo bang kumain tayo sa labas?" Kanina niya pa ko tinititigan.
"Ayoko."
"Hindi ka ba nagugutom? Malapit ng magtanghalian."
"May luto na diyan sa kusina. Kukuhanin mo na lang," sagot ko nang hindi siya tinitignan.
Tuloy-tuloy lang akong nagtanggal ng mga extrang dahon sa stem ng rose. Maingat kong gin
