Halos magdidilim na nang bigla akong yayain ni Marcus na lumabas dahil magpa-party daw kami sa labas. Namilog ang mga mata ko at hindi ko naiwasang mapa-wow nang makita ang mga nakahanda sa labas. Sa buhanginan sa mismong gilid ng pampang na hinahampas ng mga pino at mala-kristal na butil ng tubig mula sa mga mumunting alon ay may dalawang mahahabang lamesa na puno ng mga pagkain ang nakahapag. Sa bandang dulo naman ay ang malaking ihawan na kasalukuyang inaasikaso ng mga tauhan niya. Ang amoy na nagmumula sa usok noong iniihaw nila ang nagpakalam sa sikmura ko.
“Ang dami naman nito!” naibulalas ko. Nasa likod ko si Marcus kaya napangiti ako nang bigla niya akong yakapin at halikan sa pisngi.
“Do you like it?” malambing na tanong niya na agad ko namang tinanguan. Umikot ako para humarap
