Isa sa mga private jet niya ang sinakyan namin patungo rito sa Rio. At sa biyahe pa lang, pakiramdam ko ay para akong paslit na sobrang nag-enjoy sa kakaibang karanasan dahil sa isang napakabilis na paglalakbay. Pagkatapos ay chopper naman ang naghatid sa amin sa mismong isla. Wala akong mahagilap na angkop at ‘saktong mga kataga para mailarawan ang tanawing ni sa hinagap ay ‘di ko aakalaing mamasdan at mapuntahan sa pagkakataong ito. Halos lumuwa na nga ang mga mata ko sa ganda ng paligid habang nasa ere kami kanina. Napuno ng kakaibang excitement ang aking damdamain habang iginagala ang aking paningin sa paligid. Napakaganda ng asul na karagatan na napapalibutan ng matatayog na mga puno at magagandang mga halaman.
“This is a private island that I inherited from my grandfather,” sabi niy
