Pagkatapos ng mainit na gabing pinagsaluhan namin ay tatlong buwan kong hindi nakita o nakausap man lang si Marcus. Sa loob ng mga panahong iyon ay mainit na pinag-uusapan sa lahat ng uri ng media ang nangyaring pagpapasabog sa eroplanong kinalululanan ng mahigit tatlong-daang katao na walang ni isa mang nakaligtas. Ayon pa sa balita ay wala pa ring tukoy na dahilan kung bakit ito pinasabog na siyang naging dahilan sa maagang pagkasawi ng maraming inosenteng tao.
Lagi akong lutang sa trabaho kaya madalas akong napagagalitan ng boss ko. Hindi ako mapakali dahil ni hindi ko alam kung ano na ang nangyayari kay Marcus. Kahit busy siya, hindi man lang ba niya ako maalalang kumustahin?
“Wala pa rin bang balita diyan sa boyfriend mo?” minsan ay tanong ni Lyka. Malungkot a
