Nagising ako sa pamilyar na silid dito sa opisina ni Marco. Mabilis na umatake ang sakit sa dibdib ko nang maalala ang mga nangyari bago ako mawalan ng malay. Hinanap ko agad ang bag ko at nakita ko ito sa side table. Mula roon ay inilabas ko ang cellphone ko at idinayal ang numero ni Marcus. Paulit-ulit lang itong nagri-ring ngunit walang sumasagot. Nang akmang papatayin ko na sana dahil sa wala namang sumasagot ay biglang namang nag-connect ang tawag.
“M-Marcus?” bumilis ang t***k ng puso ko at parang nanginig ang kamay kong nakahawak sa cellphone.
“Sino ka ba? gabing-gabi na nang-iistorbo ka pa ng tulog?” boses ng nayayamot na babae ang narinig ko. tila may malaking batong biglang dumagan sa dibdib ko dahil hindi si Marcus ang nasa kabilang linya. Akala ko pa naman ay makakausap ko n
