HALOS lumuha na ako ng dugo habang nagmamakaawa kay Zadkiel na bawiin ang kaniyang isinalaysay, ngunit maikli lamang ang kaniyang isinagot, sinabi niyang iyon daw ang masakit na katotohanan.
Hawak ko ang aking dibdib habang pinakikiramdaman ang himig ng paghihinagpis ng aking puso. Hindi na ako tuluyang nakapagsalita pa dahil sa tingin ko ay mas malakas pa ang aking paghikbi kaysa sa aking boses.
Si Cyllene ang nakikipag-usap sa kanilang dalawa, ngunit matipid lamang ang kanilang pagtugon, tila mayroon pa rin silang itinatago na ayaw nila na malaman ko.
Ngunit bakit sa kabila nang pang-iiwan niya sa akin at sa nalaman kong plano niyang pagpapakasal sa iba ay lalo ko lang napagtanto kung gaano ko siya kamahal, lalo lamang tumindi ang pag-aasam ko na umuwi siya, kahit pa ang sakit-sakit n
