“ANO’NG gagawin mo ngayon?” Cyllene suddenly asked after we came out of the hospital. Matagal naman bago ko siya sinagot dahil maging ako ay hindi alam ang gagawin.
Ito ang unang pagkakataon na nakita ko sila ni Masien na ganito kaseryoso. Hindi rin ako sanay na hindi ko nakikita ang inosenteng ngiti na palaging nakaguhit sa mga labi ni Elle.
“Hihintayin ko si Ryu,” kunwaring kompiyansa kong sagot at walang halong pagdadalawang-isip. Kaagad naman silang napatingin sa aking gawi kasunod nang paglitaw ng pagtutol sa kanilang ekspresyon, maliban kay Elle na tipid lamang akong nginitian pagkatapos ay humawak sa aking kamay.
Tumahimik na naman silang tatlo habang naghihintay kami ng jeep sa gilid ng kalsada. Pinakikiramdaman at tinitimbang ko ang kanilang reaksyon, humihiling na suportahan n
