CHAPTER 90
Hindi ko maintindihan ang aking nararamdaman nang tinatalunton ng sasakyan ko ang mabato at malubak na daan papunat sa kanilang bahay. Medyo may baha pa rin sa ilang bahagi ng mahirap nilang sitio ngunit gusto ko rin naman idaan sa maayos na paraan ang paghingi ko sa kamay ni Isabella mula sa kanyang mga magulang. Hanggang sa pagdating namin sa tapat ng bahay nila ay may nakita akong sumilip na sa pakiwari ko, iyon na ang kanyang ina. Hanggang sa dalawa na ang nakatanaw sa lumang bintana nila, paniguradong ang Papa na niya ang katabi ng babaeng unang sumilip kanina. Pinagmasdan ko ang bahay. Luma na ito at nasa delikadong bahagi nga ng ilog. Gawa ang bahay sa kawayan at pawid.
Halatang kinilala ng Mama ni Isabella at nakikipagtalo ito sa Papa niya kung ang anak ba talaga nil
