Nang sumunod na araw ay naging abala ang lahat buong maghapon dahil sa isasagawang birthday party ni Ma’am Marinelle. 60th birthday celebration niya ito at nang masilip ko ang listahan ng mga dadalong bisita ay nalula ako sa dami.
Bandang hapon ay dumating na ang mga mag-aayos sa amin. Hindi ko nga inakalang pati ako ay kasali rin pala sa aayusan. Ewan ko ba rito kay Ma’am Marinelle kung bakit napaka-espesyal ng trato niya sa akin. Kahit mayaman sila at nagpapakita ng interes sa akin ang anak niya ay hindi nagbabago ang pakikitungo niya sa akin.
Hindi katulad ng ibang mga nanay na kapag may nagugustuhan ang anak nila at hindi pasok sa panlasa nila ay inaaway ang babae.
“Addie, mauuna na raw ayusan sina Ma’am Marinelle at Ma’am Melinda kaya magmeryenda ka muna,” tawag-pansin sa akin ni A
