“Oh my goodness. I am very sorry, Dok. Pagsasabihan ko siya. Kailangan niyang humingi ng tawad sa ginawa niya. Ako po talaga ang nahihiya sa inyo ngayon. Dok, sana naman puwede kayong mapakiusapan…” hinging paumanhin ni Mommy Marinelle. Ako man ay nagnanais na magmakaawa kay Dominic para lang huwga na niyang pag-initan si Marco.
Nahuli ko ang palihim na pagngisi ni Dok Nic pero mabilis lang niyang naitago iyon kaya hindi napansin ni Mommy Marinelle.
“Well, I was planning to sue him,” napasinghap naman ang Mommy ni Marco. Ako ay muling napayuko at lalong kinabahan. “But for you and Addie, I will just choose peace. At iyon ay kung taos sa pusong hihingi ng tawad ang anak ninyo,” dagdag pa niya.
Napatingin ako kay Dominic dahil tumingin din siya sa akin. Mukhang hindi naman siya nagbibiro
