"PAST midnight na, Dawn," narinig ni Dawn ang boses ni Thor. Hindi siya inaantok kaya naisip ng dalaga na lumabas at mag-stay sa paborito niyang lugar sa bahay ni Sir Four—sa garden set. Hindi niya naisip na may gising pa pala sa mga kasama niya sa bahay. "Bakit hindi ka pa natutulog?"
Nag-angat siya ng tingin at ngumiti kay Thor. "Parang ikaw lang," sabi niya. "Sabi mo, matutulog ka agad pagdating natin?"
"Paasa ang antok," si Thor. "Ini-expect mong dumating, maghihintay ka lang pala sa wala."
"Okay, ah. Hashtag hugot?"
Ngumisi lang si Thor. Umupo na rin ito sa paboritong metal chair, ang katapat ng upuan niya.
Natahimik na sila pareho. Si Dawn ay tumanaw sa labas. Iniisip niya ang posibleng dahilan ng tawag ng kapatid.
"May iniisip ka," sabi ni Thor mayamaya. "'Kuwento mo kung hind
