"O, UUWI ka ba o hindi? Okay lang naman kung hindi, Meda. Ang sa akin lang, tumanaw ka pa rin ng utang na loob sa pamilya! Hindi ka naman mabubuhay at aabot sa edad mo ngayon kung hindi sa tiyaga ni Nanay. Habang-buhay mong dapat ipagpasalamat na no'ng sanggol ka, 'di ka niya itinapon sa kung saang basurahan lang! Ngayon, mahina si Nanay. Tamang panahon 'to para tumanaw ka naman ng utang na loob. May raket kami ni Sunset. Pareho kaming 'di puwedeng magtagal sa Pangasinan. At magbigay ka rin ng pera do'n, nakakahiya na kay Tiyo. Siya na nga ang sumagot sa lahat ng gastos ni Nanay sa ospital, eh!"
"Okay na, Ate," malamig na putol ni Dawn sa mahabang sumbat ni Midnight. "Uuwi ako ng Pangasinan para alagaan si Nanay."
"Mabuti naman," at nawala na ang kapatid sa kabilang linya.
Pumikit si Da
